XOGTA KULLIYADDA WAXBARSHADA ILAYS – ILAYS ACADEMY COLLEGE
Kulliyadda Waxbarashada Ilays waxay ku dadaalaysaa tayeynta aqoonta waayo aqoontu waa raasamaalka ugu qaalisan ee qof yeelan karo. Aqoontu waxay kor u qaadaa tayada qofka. Aqoontu waxay kuu fududaysaa go'aanka aad qaadanayso. Aqoontu waxay ku bartaa meesha aad ka liidato. Aqoontu waxay ku siisaa saadaalin suuban. Aqoontu waxay kacaan cusub ka dhalisaa qofka noloshiisa. Aqoontu waxay horumarisaa noloshaada.
Kuliyadda Waxbarashada Ilays waxaa la aasaasay August 12, 2012. Kuliyadda Waxbarashada Ilays waa urur waxbarasho oo casri ah. Nidaamka waxbarashada ee Kuliyadda Waxbarashada Ilays waa mid aad u qaabaysan oo la socda qaababka waxbarashada ee dunida ugu horumarsan.
Run ahaantii Kulliyadda Waxbarashada Ilays waa haqabtiraha riyadii iyo dhadhabkii noloshaada. Ujeedadayadu waa in aannu kaa dhigno qof murtiyoole ah oo ku qalabaysan xuuraan, xog, war, wacaal, dooc, aqoon, iyo murti.
Himilooyinka Waxbarashada
- In aan kor u qaadno waxbarashada iyo tayeynteeda annaga oo ardayda wax ku barayna qalab iyo hab cusub.
- In aan horumarino hawl gudashada waxbarashada si aannu u xaqiijino in aannu himiladayadii gaadhney.
- In aan tayeyno hannaanka waxbarashada ee Kulliyadda Waxbarashada Ilays.
- In aan Kulliyadda Waxbarashada Ilays ku jihayno oo ku dhaqangelino hannaanka waxbarasho ee dunida ugu horumarsan.
- In aan sida ugu fiican u adeegsano qalabka iyo agabka kale ee waxbarashada.
- In Kulliyadda Waxbarashada Ilays ka qaybqaato dibudhiska iyo soo noolaynta waxbarashada aasaasiga ah.
Kalbarashooyinka Kulliyadda Waxbarashada Ilays
Waxbarashada Dadka Waaweyn
- Dugsiga Aasaasiga ee dadka waaweyn - 5aad ilaa 8aad oo aad dhiganayso dhammaan maaddooyinka dugsiga aasaasiga.
- Dugsiga Sare ee dadka waaweyn - 4 sanno oo aad dhiganayso dhammaan maaddooyinka dugsiga sare.
Barashada Afafka
- Afka Ingiriisiga ee heerka 1, heerka 2, heerka 3, iyo heerka 4aad. Sidoo kale waxaa diyaar ah barashada qoraalka afka Soomaaliga, afka Carabi, iyo afka Shiinaha.
Shahaadooyinka Heerka 1aad (Diploma Courses)
- Maamulka, Maaraynta, iyo Ganacsiga - shahaadada 1aad (diploma) - hal sanno.
- Maamulka Ganacsiyada yaryar - shahaadada - hal sanno.
- Hawlgelinta Maamulka iyo Dawinta Alaabooyinka - hal sanno.
- Tababarka Barayaasha - shahaadada 1aad - hal sanno.
Tabantaabinta Maaddooyinka Ardayda Dugsiyada Sare
- Fisigis (physics), xisaab (maths), kimisteri (chemistry), baayoloji (biology), taariikh (history), juquraafi (geography), iyo af Soomaali.
Qaybta Dugsiga Aasaasiga
Kulliyadda Waxbarashada Ilays waxa uu manhajkeedu u qaybsan yahay saddex af oo kala ah: Soomaali, English iyo Carabi.
| Maaddada (Subject) | Afka (language) |
|---|---|
| Soomaali | Soomaali |
| Cilmiga Bulshada | Soomaali |
| Xogdhawrka (ICT) | Soomaali |
| Fayadhawrka | Soomaali |
| Barbaarinta Islaamka | Carabi |
| Carabi | Carabi |
| English | English |
| Mathematics | English |
| Science | English |
Qaybta Dugsiga Sare
| Maaddada (Subject) | Afka (language) |
|---|---|
| Soomaali | Soomaali |
| Juquraafiga | Soomaali |
| Taariikh | Soomaali |
| Maamulka Guriga | Soomaali |
| Cuntada | Soomaali |
| Barbaarinta Islaamka | Carabi |
| Carabi | Carabi |
| Taariikh Islaamka | Carabi |
| Ganacsiga | English |
| English | English |
| Mathematics | English |
| ICT | English |
| Biology | English |
| Chemistry | English |
| Physics | English |
Xilliyo Waxbarashada iyo Fasaxyada
| Gooraha waxdhigashada Dugsiyada Ilays | |
| Xilliga 1aad ee waxbarashadu waxa uu bilaabmaa | 1da Ogoosto sannad kasta |
| Dhammaadka Xilliga 1aad | 15ka Diisembar sannad kasta |
| Xilliga 2aad ee waxbarashadu waxa uu bilaabmaa | 2da Janaayo sannad kasta |
| Dhammaadka Xilliga 2aad | 15ka Juunyo sannad kasta |
| Gooraha fasaxyada Dugsiyada Ilays | |
| Fasaxa yar: | 15ka Diisambar ilaa 31ka Diisambar |
| Fasaxa weyn: | 15ka Juunyo ilaa 31ka Luulyo |
| Fasaxa Ciidda Fitriga: | 2 Cisho ka dib maalinta Ciidda |
| Fasaxa Ciidda Udxada: | 2 Cisho ka dib maalinta Ciidda |
| Fasaxa Ramadaan: | 21da ilaa 30ka Ramadaan |